查小欣余詠珊酒店密斟
最近盛傳陳志雲「炒」查小欣而捧吳綺莉上位取代其電台節目主持位置，不過查小欣原來已有「出路」，下月開始為無綫主持一小時麻辣形式的明星訪談節目，昨日查小欣更為其新節目與無綫非戲劇製作總監余詠珊在酒店傾談細節。
余總坦言多次想找查小欣做節目，前後九年，今次終於傾成，而查小欣亦稱「恨做」：「只不過最近我媽媽過身要處理身後事，之後我又要陪囝囝飛美國搞入學，但我8月26日會返嚟出席電台台慶。（關係如何？）我係員工囉！今次幫無綫做節目畀你哋（指記者）撞破，我都要同公司交代。（吳綺莉取代你？）之前已經知喇！志雲叫我退出嚟做其他節目。（話『腰斬』節目你唔開心？）冇！報道手法啫！」而陳志雲昨日在電話澄清並非「炒」查小欣，強調對方會負責其他節目之幕後工作，有關查小欣的無綫新訪談節目近似《志雲飯局》，志雲大力支持：「以小欣姐資歷同訪問技巧，畀個電視平台佢更有發揮。」
查小欣（右）將到無綫主持新節目，昨日與余詠珊密斟。