鍾浠文為愛貓三魂唔見七魄
「翻版徐子淇」鍾浠文（Zelia）剛搬家，便為家中增添新成員！牠是一隻三個月大的英國長毛摺耳貓，樣子可愛討好，但Zelia竟把它取名為「求其」，實在叫人哭笑不得。她笑說：「本來我想叫佢Cookie，但係又覺得太普通，所以啲人問我佢叫咩名，我就話『求其啦』，所以佢就順理成章叫咗做『求其』。」
Zelia笑言養了「求其」後，令她睡覺時間縮短了不少：「我每日最少都要同佢玩一、兩個鐘先瞓覺，佢最鍾意玩報紙同膠紙，真係好百厭！我特登將啲膠紙整到冇晒黐力先，但就會有少少黐住佢啲毛，而佢又可以整得開。」愛貓更經常令Zelia心掛掛，擔心牠會爬高爬低弄傷，有一次更嚇得Zelia三魂唔見七魄！她說：「有一次佢跳去梳化嗰陣撞親隻腳，之後成晚都郁唔到，真係嚇死我！嗰陣又太夜，冇得睇獸醫，所以諗住第二朝帶佢去睇，點知第二日，佢又生猛番晒跳嚟跳去，真係虛驚一場！」
Zelia為了與「求其」玩樂，甘願犧牲休息時間。
過度活躍的「求其」令Zelia經常心掛掛。