糖妹怕捱鬧 「靜」睇奧運靚仔

組合糖兄妹成員黃山怡(糖妹)昨日出席活動時自爆,認識代表香港出戰奧運的體操選手黃曉盈:「睇體操嗰陣覺得個名好熟,原來以前同佢一齊參加過歌唱比賽!識佢嗰時佢已經係運動員。(藝人支持香港隊被鬧?)所以我淨係睇,冇出聲!如果見到香港選手會親自恭喜。」她又直言睇奧運除了支持港隊外,亦有留意靚仔選手,問到男友Dominic會否呷醋?糖妹笑說:「我成日都觀賞靚嘢,身邊冇咩人可以呷醋呢!」

糖妹直言想請女車神李慧詩食飯,慶祝對方奪銅牌為港爭光。