「監製契女」傳肉照誘沈震軒上釣

賈曉晨(JJ)舊愛沈震軒(Sammy)近日被「監製契女」以短訊色誘,Send性感內衣照及撩上門,幸好他不為所動,最後成功揭穿對方。

有傳有幕後主腦利用o靚模向小生施美人計,早前無綫小生吳卓羲(Ron)便疑誤墮桃色陷阱而瘋傳情慾短訊。參演電影《喜愛夜蒲2》的Sammy昨日亦在微博自爆有女模色誘他!

Sammy昨晚接受電話訪問時表示,近日一名自稱某監製契女的女子以WhatsApp聯絡他,揚言對他有好感,並多次Send性感內衣照給他,而且撩他摸上香閨:「佢愈講愈露骨,令我覺得好可疑。(有冇回覆佢?)我本於好奇心覆佢,但冇講露骨嘢,我見佢太過分都Stop咗。後來知道個監製根本冇契女,個女仔畀我揭穿就不停鬧我。」他又奉勸男藝人要多多提防。提到被拍到與林峯緋聞女友劉羽琦食飯,因而傳無綫禁止兩人結伴谷戲,Sammy說:「公司冇話唔畀接觸任何人,只係提我呢排操守要小心啲。」

只接親友電話

對於Sammy被色誘,「過來人」Ron寄語對方小心,問到最近有否受到電話騷擾?Ron表示只會接聽家人、朋友及同事的電話,亦沒有收到奇怪短訊。

此外,Ron最近被指曾與馬來西亞女星、鋼琴家李雲迪徒弟李元玲拍拖,他聞言即否認,更語帶不滿表示對方絕非女友:「我話認識佢,但報道變咗我女友,好唔負責任!唔係見過幾次嘅朋友就係女友,真係天大笑話。(怕影響形象?)唔係事實唔再回應!」

影視組

沈震軒與劉羽琦傳緋聞後又有「監製契女」埋身,桃花旺到爆!

吳卓羲只承認與李元玲是朋友,但絕非女友。