楊洛婷隔空逼婚

前港姐楊洛婷昨日為AEON MaxValu Prime銅鑼灣店開幕擔任大會司儀，由加拿大返港的母親也有捧場，她說：「堂細佬聽日結婚，全家人由加拿大返咗香港，媽咪冇見過我做嘢，所以嚟睇吓。（幾時到你結婚？）你哋下次訪問我男友（樂隊Dear Jane主音Tim）時問佢啦！（佢話過遲兩年喎！）兩年前同你哋講o架？兩年又兩年！」問到母親有否催婚？她笑言母親只恨抱孫，因為想成為最年輕外婆：「佢成日問幾時有孫抱，又話有同事生咗BB，仲話如果我生BB，佢就辭工返香港幫我湊。」至於可有結婚大計？她指曾開玩笑稱要在迪士尼世界結婚，但當想到要籌備婚禮便頭痛，並說：「或者生咗仔先結婚！」

見媽咪捧場，楊洛婷即落力打鼓。