祖兒燭光晚餐賀師兄生日

容祖兒近日四出宣傳主演新片，雖然同片演員兼男友劉浩龍（師兄）未有亮相配合，但問到如何為男友慶祝生日時，祖兒表示會食餐飯，問到是否燭光晚餐？她即嗌好！

樂壇天后容祖兒、內地男星胡歌、林欣彤、陳家樂和冼色麗主演，杜汶澤監製和麥曦茵執導的英皇電影《DIVA華麗之後》，前晚在澳門銀河影院舉行盛大首映，祖兒更為《華麗天后雲裳展》揭幕。連日來，祖兒男友兼片中演員劉浩龍（師兄）仍未能配合宣傳，問到會否覺得遺憾？祖兒說：「唔係！冇時間嘛！（再入場睇？）有時間先。（低調入戲院？）到時先算啦！（要佢睇十次？）你哋話事啦！」問到如何慶祝男友本月十三日生日？她指屆時要到佛山和東莞宣傳，之後再到廣州，男友有其他工作不會出現，問到會否感可惜？她被再三追問下才說：「點會！（買咗禮物？）冇呀！得閒食餐飯啦！（燭光晚餐？）好好好！（你煮？）但我煮嘢唔叻，學吓啦！」

阿澤影射霍汶希捱鬧

而杜汶澤體諒劉浩龍工作忙，並說：「佢係電視劇第一男主角，唔通拍嘢唔重要，睇戲重要咩？」他指自己在戲中演大反派兼壞人，並笑說：「霍汶希睇完首映問我係咪影射佢，我答：『你點止咁差、咁壞呀？我已經好留手，全香港人都知你係壞人啦！』」他笑言對方繼而恐嚇他，着他不要再指她是壞人，否則爆他「衰嘢」：「佢頂多爆到年尾，但佢啲衰嘢我可以爆足十年。」

另外，陳家樂指香港首映當晚在戲院看到自己與林欣彤分手一幕，感動得流下男兒淚，並指當晚與林欣彤坐在一起，未見其緋聞男友羅孝勇。