與志雲合照林海峰強顏歡笑

林海峰（阿Jan）被指因與陳志雲不和而決定劈炮，昨日網上流傳二人合照疑似闢謠，但阿Jan表情卻不及陳總寬容。另外，志雲前晚現身被傳有牙齒印的林曉峰（阿Lo）《一屋寶貝》捧場，還主動與阿Lo握手搭膊合照。對於阿Jan傳劈炮，陳總說：「冇咁嘅事，佢成日都咁幽默，佢要開騷所以請假，我哋合作愉快。（阿Lo同你有牙齒印？）我再強調佢唔係被炒，係佢想返TVB。的確係好多傳聞，可能節目變動多，但大家關注我哋都係好事。」

至於阿Lo拒談哥哥阿Jan與陳總不和，他說：「唔知喎！但佢（阿Jan）一定唔係唔做！（佢哋關係點？）唔知！但我覺得氣氛一樣啫！（你同陳總有冇打招呼？）見到一定打招呼。」

陳志雲捧林曉峰場，澄清沒有炒林曉峰。