陳嘉桓遊泰驚獵錯人妖
陳嘉桓（Rose）前晚出席Swarovski秋冬首飾系列發布會時透露，將與家人到泰國旅行，享受陽光與海灘，她說：「我會着三點式游水，但一上水就包實。（男性同行？）得幾個女性屋企人。」而月前到泰國公幹的她，因身形高挑及聲音較「Man」，被誤以為是人妖，問到是否擔心再被誤認，Rose說：「佢哋咁靚，唔驚啦！我努力啲（工作），等人哋知我係邊個。（獵艷？）泰國唔會喇。（驚獵錯人妖？）都驚o架，女變男都得o架嘛！」
同場以壓軸嘉賓身份出席的周慧敏談到有藝人在微博評論運動員而遭網民狂插，她說：「好開心自己冇開微博，我珍惜我Part-time藝人嘅空間，唔鍾意任何時候都同人分享。」
Rose（左）與鍾浠文齊騷長腿。
容光煥發的周慧敏女人「魅」滿瀉。