Shine半肥瘦開騷

組合Shine正密鑼緊鼓綵排個唱，將在演唱會上化身魔鬼肌肉人的天佑更進行地獄式特訓，又南則要密密食增磅，而二人為帶給觀眾驚喜，不惜男扮女裝，挑戰不可能的任務！

組合Shine昨日在九展為明日至周日舉行的演唱會綵排，他們表示正努力操練。其中天佑為了今次演出而進行地獄式特訓，狂操肌肉，他直言初時不習慣：「依家足足減咗八磅脂肪，每餐只係食啲烚菜同烚雞咁，加上每日要做兩個幾鐘Gym，初時做到個人好謝，但依家將脂肪變晒做肌肉，如果到時現場反應好嘅話，會考慮Show八舊腹肌畀大家睇！」

反串晒舞技

相反，又南竟努力增肥中，他笑言不停進食都好辛苦：「同天佑係兩個極端，依家要食好多嘢，好似下午茶會食公司三文治再加個西多士，係咁食都好慘㗎！」

提到演唱會內容，又南表示為了給觀眾驚喜，現正與天佑全力練舞：「排舞老師初初都有懷疑我哋掂唔掂，不過我哋為咗挑戰自己，所以都好努力練習。有一Part我哋其中一個會扮女人跳舞，排嗰陣都忍唔到笑，唔敢睇番跳成點，不過希望畀觀眾一個驚喜。」