祖兒衝擊獎項等開齋

在英皇電影《DIVA華麗之後》中經常情緒波動的容祖兒，自爆收工後躲在酒店房狂喊，險患上抑鬱症！她坦言寄望獲提名，希望在影壇獎項方面作「零的突破」。

容祖兒昨日偕陳家樂及冼色麗宣傳英皇電影《DIVA華麗之後》，最近頻頻遊飛機河的她，因不適應酒店床鋪而「打地鋪」，更笑言思鄉病發。她自爆在內地酒店遇上停電，令她「心魔」再現：「以前試過畀個唔識嘅人衝咗入酒店房，加上李玟近排又遇到酒店醉客，所以一停電我就擔心，幻想會唔會又走咗啲咩人入嚟！」由於最近經常出埠，她有意向公司「入紙」請假一個月休息。

對主題曲有信心

此外，祖兒透露拍攝期間因劇情需要而情緒波動，一度擔心自己患上抑鬱症，更自爆收工後經常躲在酒店房狂喊：「好彩後來冇事，幾叻！（票房壓力？）還可以，應該唔會太差，聽講依家收六百幾萬已經好好，我淨係希望唔使蝕錢。（想攞獎？）想有提名囉！主題曲方面有信心嘅！」

至於陳家樂則透露為準備新劇而健身谷胸，怎料因飲用健身奶粉而流鼻血。