得寵病貓贏體能賽 港姐湯洛雯衝上雲霄
十位港姐決賽佳麗在泰國拍完外景昨日返港，她們前日在曼谷獲邀進入泰國皇家空軍訓練基地拍攝，佳麗更換上空軍制服在基地進行體能比賽，結果由患上腸胃炎、備受無綫寵愛的「病貓」湯洛雯勝出，獲獎勵登上花式表演軍機衝上雲霄。湯洛雯返港時說：「坐咗軍機二十分鐘，好好玩，係好難得嘅體驗，但係可能食得辣嘢多，患咗腸胃炎上吐下瀉。」對於被指遭海外佳麗排擠，她指大家相處融洽沒有不和。
有指父親湯鎮宗在內地「甩底」劇集宣傳遭追討，湯洛雯說：「冇聽爸爸講過，唔擔心，佢唔講應該冇事，佢識處理。」她透露父親不會親臨睇決賽，問到是否避嫌？她說：「佢要拍劇行唔開，冇辦法啦！」
此外，曾明俐被問到日前穿三點式泳裝被指「出術」裝胸作勢時說：「有加墊，但泳衣係公司提供，唔係自己泳衣。」對於素顏照曝光，信心爆棚的她自詡化妝前後也沒太大分別。
穿上泰國空軍制服的湯洛雯舉「V」，慶祝衝上雲霄。
湯洛雯（左）與曾明俐在機場合照並接受訪問。