影壇新貴吳千語傳與林峯撻着，其老闆黃百鳴表示不相信二人拍拖的傳聞，認為只因二人都有參與其電影拍攝工作，才稔熟而已。問到會否反對千語拍拖，黃百鳴說：「佢咁細個，結婚就唔好喇！但後生仔女、青春少艾拍拖都在所難免，管唔到。」問他林峯是否好男仔，他說：「佢喺片場好認真，好盡責，人緣都好好！」
黃百鳴（左一）開戲「撮合」林峯（右）與吳千語（左二）的相處時間。（資料圖片）
