阿倫爆杜麗莎用膠袋「方便」
譚詠麟（阿倫）與杜麗莎（Teresa）前晚在紅館完成九場演唱會，兩人在台上除了大放笑彈，還互相取笑，Teresa問阿倫何時才跟女子講「I Love You」，阿倫尷尬地說：「多數都係同阿媽講。」隨即扯開話題：「你件Deep V愈開愈低，將事業推到高峰，I字寫得好清楚！」還踢爆Teresa因怕人有三急，在台下預備一個大膠袋以備不時之需，搞到Teresa發老脾兼黑面：「呢啲垃圾嘢唔好講！」知衰的阿倫即拍對方膊頭打圓場，並自爆曾與囝囝曉風落Disco跳舞：「當然唔喺香港啦！（教佢溝女？）玩吓啫，佢好勁呀，喺舞池同我跳辣身舞！」
Teresa飲茶潤喉，阿倫取笑她好易人有三急。
Teresa被阿倫激親，慶到戴黑超。