陳霽平酒店攬啜盛品儒

40歲的1995年落選港姐陳霽平與趙式言甩拖後,火速暗撻34歲的亞視執行董事盛品儒,發展「姊弟戀」。兩人前晚拍拖睇戲後,女方在酒店暗角姣箍男友頸項攬啜,繼而摸腰掃背,纏綿得慶合合,然後急急驅車與男友返歸。

落選港姐陳霽平(Maria)出道至今發展平平,40歲的她,去年底自爆與拍拖兩年、任職醫生的趙世曾姪兒趙式言分手,回復單身的她為急撇剩女之名,於今年三月出擊,暗撻曾與亞姐冠軍呂晶晶相戀、被指為城中筍盤,34歲的亞視執行董事盛品儒。據悉兩人於三月時在活動上相識後拍拖,「姊弟戀」發展數月打得火熱,他們更於五月出席蔡加讚的錶店活動,但為免戀情曝光,兩人當時保持距離。

睇戲遲嚟早走

Maria及盛品儒前晚到九龍站的商場拍拖欣賞外國電影,身穿低腰牛仔褲露小蠻腰的Maria,為掩人耳目,特地待觀眾入場後才與男友鬼祟步入戲院,期間盛品儒還搭着伊人香肩,而且提早離場避開人群,見盛品儒狀甚興奮,邊行邊大動作講個不停,氹得女友冧爆甜笑,步往洗手間時,他還情不自禁輕撫女友Pat Pat,表現受落的Maria不時與男友眉來眼去。

二人其後往酒店取車,在酒店暗角位等車時,Maria見途人不多,即發功姣箍男友頸項,依偎在對方胸膛,連番攬啜後Maria又對男友摸腰掃背,見泊車員駛來座駕,Maria即變身阿四焦急地取車,並親自接載男友繼續二人世界。

女招供 男拒認

其後記者致電Maria詢問其新戀情,她初時仍欲掩飾,但記者指其新男友是盛品儒後,她才承認戀情:「我哋係初步,係好好嘅朋友,拍咗4個月,仲係摸索階段。如果拍幾個月散咗就好兒戲,所以唔公開住。(佢摸Pat?)OK啦!」並指不介意發展「姊弟戀」。

然而,盛品儒矢口否認戀情:「我哋係好朋友,睇戲食飯好平常。(女方認拍拖?)好朋友嚟!(影到你哋好親暱!)大家都喺外國讀書,外國人性格啫!」雖然他甚至忘記何時認識Maria,但盛讚對方是好女仔,亦不介意姊弟戀。對於男友不承認戀情,問到Maria可會失望?她說:「呢個係事實,我同佢係好夾嘅好朋友,唔排除有發展空間。」

姓名:陳霽平(40歲)

學歷:University of Toronto (Commerce and Psychology)香港中文大學傳理系碩士畢業

情史:2005年與韓尚志傳緋聞,翌年與明珠台主持黃子雄鬧緋聞。2009年與趙世曾姪兒趙式言拍拖,2011年分手。

簡歷:1995年參選港姐後加入無綫。2008年遠赴美國參演電影《W.》,在片中有15秒演出,精通多國語言的她近期加盟城市電訊電視台。

姓名:盛品儒(34歲)

情史:2010年與亞洲小姐冠軍呂晶晶傳緋聞。

簡歷:亞洲電視執行董事,父親從事地產業,堂兄為亞洲電視老闆王征。因亞視新聞節目誤報前國家主席江澤民死訊,去年9月他參與立法會會議,發言後突然起身九十度鞠躬向公眾道歉。

追蹤組

盛品儒「蜜」會陳霽平,興奮得擺出大鵬展翅,冧得女友甜笑不停。

搭膊掃背
陳霽平在酒店暗角箍實盛品儒錫個不停,又搭膊攬腰,非常親暱。

黐身喪咀

靚股長揸
以為有牆壁遮擋,盛品儒即出手輕撫陳霽平Pat Pat。

心急返歸
盛品儒安坐車中,由陳霽平擔任柴可夫接送。

盛品儒為氹陳霽平開心,諗計諗到頭痕。