阿澤偷嗒飛來蜢激走阿田
無綫小生連環中桃花劫而一身蟻，杜汶澤昨日偕冼色麗及陳家樂出席《奧海城X 2012夏日國際電影節》記者會宣傳英皇電影《DIVA華麗之後》時，自言亦曾年少輕狂：「我喺佢哋嘅年紀仲瘋狂啦！試過遇上飛來蜢，手機分別用大細楷A代表田蕊妮同佢，點知有次收到佢短訊畀阿田察覺，阿田嬲到搬走咗，嗰時仲未結婚。（你咁蠢？）佢哋都唔見得聰明！飛來蜢係吸引，但要諗清楚承唔承擔得起後果！」對於容祖兒羨慕他們夫妻恩愛，他說：「我同佢講佢喺事業上花咗幾多時間，就等如阿田用喺我身上嘅一樣，苦處不足為外人道。」此外，大會找來楊千嬅拍短片支持，片中的她未收身，但精神很好。
阿澤自揭年輕時的「劈腿」事迹，寄語男星「偷食」前三思。
產後未收身的千嬅專心在家湊仔，但仍拍片支持。