胡定欣黃智雯撐杏兒OK
與黃宗澤甩拖的胡杏兒，與胡定欣、胡蓓蔚、姚子羚及黃智雯成立「胡說八道會」，胡定欣昨日在荃灣城市中心出席《恒基兆業商場Angry Bird小小運動會》時表示，幾姊妹日前難得聚首一堂，問到有否安慰杏兒，她說：「佢OK，好好，唔使擔心！」談及自己的感情生活，她承認識到「新朋友」：「係圈外人，條件幾好，要多啲了解先。」此外，她與王浩信為新劇《戀愛季節》拍攝的擁吻場面被上載至微博，相中的她咀得極投入！
至於黃智雯昨日出席活動時亦指杏兒心情OK：「佢EQ高，唔會將唔開心事表露，最緊要佢開心！（有傳佢新歡係台灣男星黃少祺？）咁Good？點解唔介紹我識？」
胡蓓蔚（左起）、黃智雯、胡定欣，胡杏兒及姚子羚組成的「胡說八道會」聚會，唯獨杏兒欠缺笑容。
胡定欣與大公仔合照，童真返晒嚟！