猷亨拖女友證地位 賭王御賜 「敷Mask」

賭王何鴻燊與四太梁安琪的兒子何猷亨，前晚偕女友出席晚宴，昨日又一同到醫院探望賭王，猷亨向女友發表愛的宣言，賭王亦給「未來新抱」滿分。

何猷亨以籌委主席身份出席前晚舉行的保良局《The Night of Dreams慈善晚會》，獲女友陳可欣（Sabrina）撐場外，母親梁安琪、胞姐超盈、胞弟猷君及胞妹超欣舉家支持。早前有傳猷亨暗戀同場的籌委之一兼名媛林李婉冰的女兒林嘉寶，猷亨即時向女友發表愛的宣言：「絕對冇咁嘅事，我最愛係Sabrina，我唔會鍾意第二個女仔！」而Sabrina表示初時不知男友身份，並大讚男友：「佢好有風度又孝順。」

至於四太則表示賭王十分喜歡Sabrina：「話佢後生又聰明，仲叫佢『敷Mask』，即係滿分（Full Marks），又靚又叻！」談到賭王近況，四太透露他有點咳嗽，故入院休養。

失戀超盈冇着落

至於超盈失戀後首度現身公開場合，她表示暫未有新戀情。有指與前度Greg因有第三者而分手？她說：「唔關事，我哋係和平分手，唔想再講佢，完咗就完咗。」而昨日三房及四房亦有到醫院探望賭王，三太陳婉珍於下午5時許到達，10分鐘後，四太、猷亨與女友、猷君及超欣齊齊離開，下午6時許，三房子女猷啟及超蓮亦分別抵達醫院。