晶晶啟剛恩愛搭膊捧倫奧
鋼琴家郎朗到倫敦睇奧運，並於昨晚上載與郭晶晶和霍啟剛的合照，晶晶掛住大會證件，啟剛則搭住未婚妻晶晶的香肩，郎朗寫道：「又見好友。」「晶剛」拍住拖入場，並親民地與粉絲合照，來者不拒。
此外，任達華與琦琦繼四年前的京奧後，今次帶同愛女任晴佳，一家三口到倫敦首次見證奧運。兩夫婦因接愛女機而錯過欣賞揭幕禮，琦琦說：「任達華唔想帶個女嚟，因擔心倫敦奧運亂，但個女再三要求先帶佢嚟！最開心係個女，佢買咗好多公仔同英文書。」有指倫敦的士不滿奧運設專道、而地鐵清潔工冇補水兼工作量大增，引發罷駛與罷工行動，琦琦不覺得情況混亂：「當地人好好、好肯幫人，我媽咪帶個女嚟倫敦，人哋喺機場見到佢兩婆孫都主動幫。」她大讚倫敦充滿奧運氣氛，在街上也看見噴了英國國旗的保時捷。琦琦又希望今年中國奪金數目勝上屆。另外，莫文蔚亦到倫敦欣賞奧運。
琦琦和華哥稍後會欣賞足球、游水、羽毛球和藝術體操賽事，下月中才返港。