農夫九展騷夭折
組合農夫昨日出席商場活動時，突然宣布取消下月11日在九展舉行的《雙囍臨門》演唱會。對於演唱會難產，農夫經理人DJ Tommy說：「唱片公司高層話售票情況唔理想要Cut騷，我都好愕然！都明白佢係投資者心態，但我好樂觀。」離開騷只有半個月，一早做好準備的成員陸永大呻無奈：「今次個演唱會好多嘢係我哋落手落腳去做，好希望遲啲有機會自己搞。呢件事唔可以怪公司，我哋淨係想做好場騷。」事後成員C君亦在微博交代事件，向歌迷道歉。
同場的歌手吳雨霏甜蜜傻笑地表示奧運會看網球項目；快將生日的關心妍則希望擅於製造驚喜的老公唱情歌冧自己，生日願望是明年牛一前有喜。
農夫九展騷門票開售只有四成銷量，被指導致演唱會夭折。
吳雨霏表示會收看奧運的網球項目。