黃榕剝泳褲笠Fans
黃榕不能在書展宣傳全裸寫真，只好移師中環舉行活動造勢，期間不但勁騷咪咪，更以送比堅尼為名，即場剝褲交給Fans，並附加一句：「有體溫o架！」與男司儀互餵香蕉時，她又說：「乜你真係食o架？！」
對於「死敵」Phoebe聲稱其寫真已售出5千本，黃榕不屑地說：「我唔信囉！（佢入院？）我都成日瞓唔着，如果佢咁大壓力，不如唔好做呢行啦！（佢話同你層次唔同？）我都覺得唔同，我係性感Level，佢喺性交Level囉！仲貼埋啲『x me』嘅字句！」對於寫真被狠批送橙皮紋，她表示不介意，證明自己沒有執相。
至於Phoebe昨日在書展宣傳電子寫真時重申，只是在大會勸喻下離開，並非被趕走，更自覺被針對：「如果書展唔擺得寫真無謂死撐，學古巨基話齋，書展係大人細路入得嘅地方，我唔介意帶頭走，好過有人賴死喺度！」談及被貓抓傷，問到是否虐貓，她無厘頭說：「因為寫真被針對，佢同我一樣咁緊張！」
黃榕即場剝褲，大方將「體溫」送給男Fans。
脫下泳褲後，黃榕繼續晒「月光」，懶理早前被踩有橙皮紋。