Lavina爆乳裝受GaGa啟發
o靚模鍾蕙芝（Lavina）、性感女星王璐瑤（LuLu）及夏然然（Cassie）昨日殺入書展，谷爆心形胸的Lavina揚言不擔心被非禮：「我覺得Lady GaGa嚟咗香港之後，年輕人嘅衣着大膽咗，我都係受佢影響！女仔着得性感，唔代表男仔可以侵犯佢哋！」對於「模媽」陳靜儀（Mia）日前指LuLu被強吻是打扮引人犯罪，Lavina寸爆說：「如果有人咁講，係將犯罪合理化，係思想倒退！依家唔係封建年代，香港係自由社會！」
而LuLu亦力撐被強吻與衣着無關：「唔通冬天就冇非禮案咩！有人立心不良，就算着羽絨都冇用！」Cassie則句句有骨，寸爆日前以道士打扮踩入書展的Mia：「有人裝神弄鬼，搞咁多無聊噱頭！」
Lavina在寫真中豪邁擘髀，騎呢兼冇美感！
Lavina谷爆心形胸，增加「戰鬥力」。
LuLu前晚舉行內衣派對時適逢下雨，自爆被同事封為「暴風雨神」。