阿Sa變小粉絲 蒙面撐Big Bang

韓國當紅組合Big Bang前晚在上海舉行首場內地演唱會，逾萬名粉絲捧場，連香港歌手蔡卓妍亦由天后變身小粉絲，戴口罩低調撐偶像！

韓國組合Big Bang前晚在上海舉行首場內地演唱會，場內逾萬名歌迷拿着蓮花形黃色螢光棒支持偶像，而香港歌手蔡卓妍（阿Sa）亦變身小粉絲，戴口罩低調捧場。睇騷期間，阿Sa不時跟隨偶像的歌聲搖擺身軀，事後她更於微博上載兩支蓮花形黃色螢光棒的照片並留言：「我今天終於感受到你們的感覺！我要窒息了！」

當晚甫開場，一身型爆裝束的Big Bang置身「時光膠囊」並破繭而出，又大晒普通話冧粉絲，大讚上海歌迷漂亮，Seung Ri則清唱一小段國語歌《甜蜜蜜》。據悉當晚首10行座位的門票由原價約2千元人民幣，炒至約8千元人民幣，前兩排座位的票價更被炒至逾萬元，亦有粉絲向歌迷組織團購門票時買到假飛，被迫即場買黃牛飛。

愛犬拍封套失控

另一邊廂，阿Sa全新廣東大碟《Montage》於明天正式面世，新碟會將她的日常生活片段拼合，串接成11首歌。日前她到中環鬧市及灣仔海旁等地方拍唱片封套，換了多款不同造型，引來大批途人圍觀。其中阿Sa與家中5隻貴婦狗拍攝，她大呻被愛犬考起：「真係阿Sa叫狗，愈叫愈走！叫咗一隻坐定，其他四隻已經唔知跳咗去邊！」