詩雅愛醫「貴婦」情緒病

英皇藝人詩雅（Michelle）家中飼養了3隻貓及3隻狗，當中貴婦狗芝麻及哥姬犬林寶堅尼是收養而來的。提到兩頭愛犬，她雀躍地說：「佢哋係我開心泉源，見到佢哋嘅得意樣，我立即精神晒，身心嘅疲勞都一掃而空！她透露現時3歲的芝麻身世相當可憐，因牠疑患上焦慮症，無時無刻都在吠而被前主人嫌棄，善心的她為免又一隻寵物被遺棄，故在牠2歲時就收養牠。

問到怎樣知芝麻有情緒病？Michelle說：「因為睇過好多有關書籍，又問過專業人士嘅意見，加上長期觀察，覺得芝麻因曾被人疏忽而情緒不安，所以24小時不停咁吠。」幸而有她的愛心灌溉，芝麻愛吠的情況已有好轉，現時又乖又嗲又聽話。Michelle又以專家口脗教路：「其實同時養多過一隻狗，為免出現爭寵嘅情況，做主人嘅一定要一視同『狗』，好似抱佢哋同餵食物要一齊進行，否則啲狗好容易爭寵而打交。」

芝麻（右）及林寶堅尼是詩雅的心肝寶貝。

詩雅對患病的芝麻（圖右）格外疼惜及照顧，難怪其焦慮症能不藥而愈！