李思欣范振鋒長隆餵B

無綫藝人李思欣與老公范振鋒(Ricky)早前到廣州長隆拍攝電視節目外景,他們寓工作於旅遊,在水上樂園時,更與同行的洪天明和周家蔚進行水上大激戰,思欣說:「其實我好驚水,亦都唔識游水,好彩佢哋讓我,唔係玩得太激!」

思欣和Ricky又到動物園親親大自然,與野生動物來個全接觸,思欣說:「我第一次餵老虎BB飲奶,覺得好得意!又有機會摸鱷魚BB,啲鱷魚仔全部都畀人封住個口,所以唔係太驚!」Ricky卻對成年鱷魚更感興趣:「我哋用雞肉釣佢哋,但佢哋好聰明,一啖就食晒啲雞肉!」

另外,Ricky與思欣往騎大笨象,但暴露了Ricky畏高的弱點,思欣笑說:「知道Ricky其實全程都好驚,我着住對高跟鞋都好驚會拮到隻大笨象,所以上落只係可以用腳尖嚟行!」

思欣與Ricky以夫妻檔搵銀,又可趁機叉叉電,簡直羨煞旁人!

李思欣與老公范振鋒一同餵老虎BB,場面溫馨!