王璐瑤遭龍心飛撲啜面

性感女星王璐瑤(LuLu)昨日在書展舉行書迷答謝會,原本氣氛輕鬆愉快,豈料傍晚在場被龍心強吻面珠,其後她驚魂未定在微博抒發感受,自言被恐怖事件嚇窒!

與余文樂爆出情慾短訊的性感女星王璐瑤,昨日到書展答謝購買其寫真集的粉絲,豈料於傍晚約六時,她在微博寫道:「今天在書展遇上了恐怖的事情,仍然驚惶未定……」其經理人接受電話訪問時說:「LuLu完咗個答謝會行吓書展,身邊一直有男Fans同保安跟住佢,但龍心竟然趁保安一鬆懈,就衝上前強吻LuLu塊面!」並指保安已當場制服龍心,還抄低其個人資料,LuLu會保留追究權利,但未有報警。

踩許穎做壞規矩

而LuLu在活動上不忘寸爆o靚模許穎(Phoebe)明知全裸寫真尺度大膽,仍要硬闖書展,破壞規矩:「書展第一日,Phoebe嘅寫真放喺我隔籬,但中午已經被搬走,連佢師妹嘅寫真都一樣被禁,原本都有興趣睇Phoebe全裸,但冇機會買喇!」o靚模吳堯堯(仙樂都)到場支持LuLu,對於Phoebe的寫真被禁,她覺得對方的寫真是藝術的一種,但暫時無意效法。

另外,澳洲新八模昨日出席寫真見面會時,亦有回應Phoebe寫真被禁一事,成員Wendy說:「應該啦!佢應該有自知之明自己本書唔賣得。」Toshika更直指Phoebe好Cheap:「佢着到好似澳洲紅燈區啲女仔咁!我哋本寫真畀人審批過,係唔一樣嘅Style,佢影響晒o靚模形象!」她們又力撐師姐陳靜儀(Mia)的寫真是藝術,不能跟Phoebe相提並論。

名人組

密封咪咪的王璐瑤睇頭欠奉,惟有扭身扭勢展示玉背。

一向寸嘴的許穎得罪人多,難怪被其他o靚模圍插。

龍心

澳洲新八模Amy見到組合的漫畫肖像,開心到踎低合照。

澳洲新八模Jennifer(中)與Mia為粉絲在寫真集上簽名。

澳洲新八模勝在大堆頭,燕瘦環肥齊晒。