吳雨霏（Kary）昨日錄影亞視節目《星光大道5跳舞吧！》時大獻歌喉，問到為何不跳舞，她透露腳傷未愈，無奈要為新歌《狠狠》排舞：「個唱後膝頭韌帶傷咗，夜晚瞓覺都要紮住，但近排太忙，未睇醫生，朋友叫我針灸，但我好驚！」
談及性感新造型，Kary趁機呻慘：「本來想着平底鞋，但形象師馬天佑話要靚，係都要我着5吋高踭鞋，如果我跛咗，佢要養我一世呀！」她自爆平日有練瑜伽，但筋仍相當硬，只做到「半字馬」。
Kary輕撥秀髮，女人味即時滿瀉！
