糖妹謙稱非靚女 自封哈比人

糖兄妹成員黃山怡(糖妹)日前被日本攝影師睇中,為人氣網站拍攝「美女曆」,但4呎8吋高的她自嘲不是美女,只是「哈比矮人」! 

糖妹是首位香港女藝人為日本人氣網站拍攝「美女曆」,昨日她身穿可愛背心短裙到旺角宣傳美女曆,在場的日本攝影師不斷大讚糖妹「卡娃兒」及「Sexy」,令她興奮不已,在台上大擺甫士!

活動後,糖妹「倒米」自嘲不是美女:「唔敢當!我只係一個嬌小哈比人,只希望多啲宅男上去支持!」問到是否想做新一代「宅男女神」?她打趣說:「我之前都唔小心做過『網路女神』,哈哈!(趁機攻日本?)呢個提議都唔錯,不過遲啲會同日本女歌手秋赤音合作!」

寫真集拒執相

另外,即將在書展推出寫真散文集的糖妹笑言,今次最大賣點是「零修圖」,更暗寸其他女星:「依家好多女藝人都會執相,但本書入面,大家見到我係幾肥就幾肥,我塊面唔會突然尖咗!」她又笑言連鼻樑上的癦也不會執走:「觀眾要靠粒癦嚟分辨我同陳慧嫻o架!」出書又出碟的糖妹大呻暑假將會很忙:「希望新碟可以喺暑假面世啦!因為糖兄妹好耐冇出過兩首歌以上嘅唱片!」而與慈善機構推出的個人Figure會刻意設計成長腿,而且是紮了「招牌大髻」!

音樂組

糖妹強調寫真集中不會執相,連鼻上的癦亦一覽無遺!

站在兩位身形高挑的模特兒中間,糖妹顯得分外嬌小。

糖妹擺出Cute爆甫士,被日本攝影師不斷大讚Kawaii!