鍾嘉欣不滿聲沙唱Live

鍾嘉欣、秦沛、樂瞳及李天翔等昨日為《護花危情》宣傳及宣布收視，鍾嘉欣穿上低胸裙騷事業線，邊行邊抽裙以免走光，獲逾百名粉絲撐場，她即場餵粉絲食麵包及獻唱主題曲，抱恙的她唱現場表現不俗，不過她卻不滿表現：「有啲聲沙，我朝早飲咗劑中藥，可以更好。（驚似阿Sa走音？）我有睇電視，真係唔覺得好難聽！我初入行仲差，又手震又唔夠氣，盡量喺呢啲場合訓練自己，失準都唔好放棄！」而樂瞳表示感情「真空」：「有男友就順其自然啦！影到都唔會唔認，不過緋聞男友楊潮凱同朱敏瀚真係我好兄弟！而且我唔會同Artist拍拖，有圈內人追過都拒絕咗。」

至於李天翔提到在微博吐苦水：「我發噏風咋！我開電視見咁多人過晒檔，有感而發諗係咪待遇唔好先走。（想離巢？）暫時唔會，啱啱同TVB簽3年約，但有好發展當然會諗。」而秦沛則表示跟無綫只是部頭約，王維基有向他招手：「我仔女都過咗去，多謝王生畀機會佢哋，但自己暫時冇時間 。」