Amanda激變至強「阿茂」
謝霆鋒向老友車婉婉取食經，向來酷愛法國糕點的名模Amanda S.，不單曾到法國拜師學藝，去年更在中環開設首間個人餅店，親自落場打點一切，就算變身阿茂整餅一樣超強！日前Amanda在餅店忙個一輪後，與友人在餐廳邊傾公事，邊雙手不離iPad，十足女強人上身！翌日，同樣在餅店打點的她，緊張地打理大小事務，至傍晚6時許，其丈夫Christian接放工，Amanda恍如見蜜糖般黐到實，原本繃緊的表情即時消失，激變「開籠雀」與老公雞啄唔斷，最後更拍拖離開餅店。戀愛大過天，用來形容已婚的Amanda一樣啱使！
Amanda放工有老公接，即時冇咗腰骨做「依人」啦！
Amanda邊Tea邊談公事，一副女強人模樣。