石詠莉封胸灌「書」潮着Sense

曾修讀時裝設計課程的石詠莉,今年書展將化身時尚達人出書教着衫。脫離組合Freeze後告別性感的她,不諱言時下o靚模露得過火,直達AV級別!

自從脫離Freeze後,石詠莉(Sukie)便告別性感,轉行型格路線,不但大獲好評,還獲邀於今年書展推出處女書教着衫,除了因Sukie曾修讀時裝課程,亦因為她有很多「着錯衫」的反面教材:「我喺Freeze時試過因為件衫唔啱着走光,畀人拍咗段片,話我露底兼閃Bling Bling,幾尷尬呀!」並指面對首次被廣泛報道走光後很自責:「我怪自己點解唔打好底?呢樣一定要靠自己,Stylist幫唔到。」自從那次後.她走遍港九,最終尋獲黏力特強的雙面膠紙防走光。

老闆游說行性感

Sukie解釋擺脫性感並非因男友下「封胸令」,而是想讓觀眾認識真正的她:「我希望畀人了解嘅,唔係人哋打造出嚟嘅我。」並否認因現時湧現太多性感o靚模才避「峰」頭,反而直指她們露得太過火:「就算我哋以前行性感,都係有底線嘅,但係佢哋依家已經去到AV級別!可能佢哋咁做係公司叫,但唔係人哋講就要做o架嘛!公司未必會用人性化嘅角度去諗,佢可能只會當你係一件商品,所以做女仔要小心保護自己!」

Sukie又說:「我都有少少怪老闆當年推我行性感o架!」現在榮升時尚達人的她,力撐時常遭狠批衣着品味欠奉的何超雲:「佢未拿捏到火候啫,其實佢有Sense嘅!」

影視組

曾修讀時裝設計的Sukie出書,希望將衣着品味公諸同好。

(左起)甄詠珊、石詠莉、陳樂榣

回想當年不慎走光被批,Sukie表示從此學會保護自己。

與男友愛得癡纏的Sukie解釋,男友沒逼她「封胸」。