激戰「白旋風」韋德 陶大宇好Q好波
陶大宇早前與世界級桌球手「白旋風」韋德（Jimmy White）進行一場公開表演賽，期間一同研究Q棍重量，互相交流心得。面對世界級球手，大宇以享受心態「出戰」，幸分數未被Jimmy拋離：「可以同Jimmy打波，係一個好好經驗同回憶，好難得！」由於二人被大會安排作首場表演賽，落場時大宇顯得很輕鬆，他說：「我好Enjoy過程！（表現？）一般般啦！可以打好啲，如果Jimmy認真打，我根本冇咁多Chance（機會），因為佢有『快、準』美譽！」Jimmy則笑言知道大宇是藝人後，即上網搜尋他的資料：「我看得出他很愛桌球這項運動，亦打得不錯！（讓賽？）不會，我剛落機要Warm Up，已全力以赴！」
陶大宇有姿勢有實際，型！
韋德與陶大宇高手相逢，惺惺相惜！