黃日華禁女兒賣肉選美

黃日華昨日與女兒黃芷晴簽約城巿電訊，在新劇中拍住上。芷晴踢爆父親不准她選美，更提點她刪除Facebook的照片。

黃日華與22歲女兒芷晴（Adrian）一同効力城巿電訊，並於下月拍攝新劇，以特異功能查案。為隆重其事，城電主席王維基昨日與二人舉行簽約儀式，更帶同老火湯「補定先」。

提點切勿準時

對於備受重視，曾炮轟無綫刻薄的華哥說：「我以前簽約都係喺辦公室，未試過喺咁大嘅酒店，覺得好新鮮！（高價加盟？）合理啦！（幫個女爭高價？）冇，錢唔係最重要，反而係吸收經驗。（會鬧佢？）唔會，盡力畀意見，教佢睇劇本。（有咩提點？）一定唔可以準時，要早到！」至於王維基則表示有信心下半年會獲政府發牌，並會嚴格監控劇集質素，即使服飾不連戲亦不能過關，華哥聽罷即說：「以後唔使我發火！」

模特兒出身的Adrian樣子標致，但未有選擇選美等捷徑入行，她踢爆父親不准許，更別說做o靚模，並指父親一早提點她刪除Facebook的照片，華哥在旁補充：「Adrian自細管教嚴，做o靚模唔夠高，選港姐又的確係捷徑，但我個女唔想拋頭露面着泳衣！（佢話你唔畀？）係，我都唔想！」