羽翹慨嘆整容太遲

歌手羽翹（Ava）今年再殺入書展出美容書分享美容心得，不過她坦言因分身不暇，故今次是暫別作，並再次澄清沒有整容：「依家先嚟整嘅話就太遲喇！」

美容達人羽翹（Ava）今年書展將會再推出美容書，不過她由於要負責寫幾個專欄，分身不暇，故今次出書將成為暫別作，她說：「我真係冇時間再寫書喇！依家已經有幾個專欄要寫，期期啲稿都要人催先交到，我覺得好對唔住讀者，唔想交行貨畀人。」並自爆某些美容Blogger為收取廣告商酬勞，會在書中硬銷產品好處！Ava坦言絕對不會這樣做：「有人搵過我咁做，但我已經拒絕晒，我出書係想讀者學到嘢㗎嘛！自己嘅口碑好緊要㗎！呢啲錢真係賺咗都唔會安樂囉！」

面對整容風氣入侵娛樂圈，屢被指整容的Ava堅稱沒整過，更坦言是化妝品的威力：「人哋整容為咗自己開心，影響唔到人咪得囉！雖然我都唔係好滿意自己，但我都入咗行三年啦！依家先嚟整嘅話就真係太遲喇！」

被插當耳邊風

近年Ava的整容傳聞鬧得熱烘烘，加上經常聽到網民的負面評價，她已經「百毒不侵」：「我老闆係搞整容生意，所以由出道至今我嘅新聞都會同整容有關。不過我依家嘅心態都冇乜嘢，我唔會專登去睇呢啲負面新聞。」