葉世榮讚B女Rock 識擺Beyond手勢

Beyond鼓手葉世榮上月29日榮升父親，一直忙於做騷的他，上周日才能回家見囡囡，昨日他接受本報電話訪問說：「第一眼見到佢好激動！」初為人父的他不懂湊BB，第一次抱囡囡已搞喊她：「佢喊到面都紅晒，抱BB真係好有技巧。」

世榮笑言最叻搵奶粉錢和洗尿布，現在仍未為囡囡改名，暫時叫「寶寶」：「老婆話囡囡雙眼皮似我，眼大大皮膚又白，好靚女，對住佢就心滿意足，點辛苦工作都唔緊要！」他還讚囡囡影相時識擺Beyond手勢，實在奇妙：「呢個妹真係幾Rock，遺傳咗我搖滾細胞，大個睇佢鍾意打鼓定彈結他，希望兩父女Jam歌，我唔介意佢入行。」

搞喊囡囡的世榮要苦練抱BB技巧。