嘉玲貴價請偉仔 唔敢打斧頭

近年營商有道的劉嘉玲昨日以老闆娘身份出席上海開幕剪綵儀式，並笑指老公梁朝偉欠缺公關手腕，難做生意，還指老公身價太高，要儲錢才能找他代言。

在商界大展拳腳的劉嘉玲昨日以董事長兼合夥人身份到上海主持開幕剪綵儀式，嘉玲營商有道，問到老公梁朝偉會否效法？她說：「偉仔都好成功，唔係話開好多店就成功。」至於偉仔有否做生意？她取笑老公欠缺公關手腕：「佢冇，佢唔同人打交道點做生意？」但指偉仔十分支持她，問到會否找偉仔做品牌代言人？她笑說：「會㗎！但佢好貴，要儲子彈。（兩公婆冇優惠？）佢值咁多要畀佢，已經打咗好多次斧頭！」她笑言年紀已大，故不會親自代言。

計劃投資電影

嘉玲還笑言未試過一日開三間舖，包括手錶店、服裝店及夜店，她透露三間店早已開業，但昨日才一齊宣傳：「中國太大，跟唔到發展步伐。（投資額龐大？）投資唔算好大，亦唔算小（只係儲蓄嘅冰山一角？）唔係！不過我唔係睇得太緊要，愈做愈投入同有興趣，好有滿足感！（仲有冇其他投資？）冇計劃，好多人想傾合作，如果應付到會嘗試，完全唔熟嘅嘢唔會掂。」至於會否投資電影？她直認不諱：「有計劃，但暫時未到呢步。」還透露9月將拍攝電影《狄仁傑前傳》。

同場尚有胡敏珊，而嘉玲好友、台灣女星賈靜雯則擔任手錶店的一日店長。