李蘊玩地下情生日唔搵劉謙
o靚模李蘊將在書展推出第3本寫真集之際，突傳她跟台灣魔術師男友劉謙鬧分手，但實情是其「箍仔策略」，詐嬌博劉謙多關懷及公開名分，但遭本報踢爆後，兩人惟有轉玩「地下情」。李蘊昨日受訪時繼續「口硬」，指跟劉謙是「永遠的朋友」，從沒承認拍拖，故不會發展地下情。為專注工作，本月27日她21歲牛一也情願開工，不會出埠跟劉謙慶生。
問到是否不滿遭劉謙冷待？她說：「如果我有男友，都想佢成日喺我身邊，唔好搵唔到，我需要安全感。（劉謙粉絲討厭你？）我知道，我好介意。」雖聲稱劉謙不是男友，但言談間卻多番維護：「唔好寫衰佢，佢係好男仔。」此外，李蘊將偕擁33C身材的內地師妹陳小寶出席周日的寫真集活動，但另一內地o靚模趙雨菲因事未能來港。
李蘊將於周日出席寫真集活動。