一腳踏兩船 連詩雅死撐係朋友
本報獨家拍到歌手連詩雅（Shiga）疑一腳踏兩船，昨晚Shiga與董敏莉及文傑聰等綵排舞台劇時開腔回應，她強調與同公司的周柏豪只是師兄妹，至於「柴可夫」音樂監製陳考威，她多次以「識咗好耐」、「大家係朋友」解畫，問到可有機會發展？她不置可否：「呢刻唔諗住，將來嘅嘢唔敢講！」明顯有所保留。
對於陳考威連日來管接管送，Shiga解釋：「之前有首歌同佢合作，希望再有機會合作！我哋好忙，所以趁車程傾合作。（佢想追你？）唔會，大家識咗十幾年，係好朋友！」至於被封為姣精，她說：「可能影到我同兩個男仔啦！」她澄清沒有上柏豪車，亦沒有到對方寓所過夜。
連詩雅例牌否認緋聞，信不信由你！
董敏莉與文傑聰咀到伸晒腿，好激喎！
董敏莉