亞視台慶騷頒過氣獎

亞視繼早前北京悶爆台慶騷後，第二波《光輝歲月－亞洲電視55周年頒獎禮》昨晚於大埔總台舉行，「黑仔」姜皓文表演氣硬功，用喉嚨頂斷六支膠箭，他坦言緊張到想喊。一班前亞姐接力演出包括絲帶操，但林紫君表演「踩光管」時失手，踩斷光管險釀意外；顏子菲以性感Tube Top跳Hip Hop成為全晚亮點，總算為亞視挽回一點面子。前亞姐如麥翠嫻、葉玉萍、黎淑賢與韓燕等亦有撐場，其中筱靖拋「界外球」撼低一班師姐。

席上，大會舉行「騎呢」過時頒獎禮，追頒舊藝人及十多年前的節目與劇集，包括《尋找他鄉的故事》奪「ATV 55年紀實片獎」及《雍正王朝》獲頒「ATV 55年引進劇獎」等，《雍》劇導演胡玫致謝詞都汗顏：「感謝大家還記得這個十三年前的劇！」奪「終生成就大獎」的亞視高層葉家寶解釋是回顧55年製作：「係會舊啲！但我哋今次檢討過，節奏快咗！」已故藝人劉志榮獲追封「終生成就男藝人大獎」，太太梁淑莊喊住代夫領獎。奪「ATV 55年女藝人獎」的張文慈則表示下月將在台灣高雄開燒臘店：「嗰度冇呢類舖頭。」前亞視藝人潘志文亦奪「ATV 55年男藝人獎」。