G.E.M.新歌MV抄自己
歌手G.E.M.昨日於apm舉行新碟簽唱會，近日捲入疑無牌駕駛鏟泥車風波的她表示警方仍未接觸，但自己曾跟經理人談及此事，若有需要會提供協助：「拍嗰時有人教揸車，喺私人地方，仲簽晒約要自負責任，應該冇乜嘢。（警方關注？）吓？我真係唔知。」
另有傳她的新歌涉抄襲？G.E.M.否認：「寫歌嗰時好放縱，成日聽Party歌，放縱過後又重複放縱，後尾喊完先知醒。我唔覺得抄，旋律都唔同。（MV抄Lady GaGa？）其實我好耐之前拍MV都用過藍色假髮，係抄番自己啫！（剷青Look趕走粉絲？）咁我知道邊啲先係我真正粉絲，知道佢哋係鍾意我嘅造型定真係鍾意我啲音樂而支持我！」
G.E.M.（右）即場幫粉絲剷青，笑言可藉此分辨真正粉絲。