疑音響出問題阿Sa失準激動到喊
前晚在節目中，不少歌手如蔡卓妍（阿Sa）、梁漢文以及張智霖等出現甩嘴走音的蝦碌情況，阿Sa到戶外停車場與Fans握手期間，未知是否因音響問題，被指演唱《下一站天后》時失準，阿Sa說：「係咪真係好差？頭先我問助手，佢哋仲話OK，各花入各眼，我一直都有上堂o架！」說到此處，她已激動得眼紅兼流淚，還一度要以電話遮面，免喊樣被攝。而當晚與阿Sa同場的男友陳偉霆，昨日出席活動時力挺女友，指阿Sa邊唱邊跟Fans握手很有難度，女友唱歌已有進步，希望大家不要太苛刻！而甩嘴的梁漢文亦指表演時因吊機升得太快，令他大感意外！
身為節目評判的單立文坦言歌手表現有落差，有些外來因素觀眾未必會知道：「好似音響嘅問題，阿Sa喺停車場同觀眾握手，無綫嘅音響技術未必做得咁好，令表現有落差。」另一位評判陳奐仁則表示現場聽阿Sa唱歌不覺得有問題，還覺得很溫馨。
阿Sa提起到戶外與Fans握手時唱歌失準，即用手機遮掩喊樣。
同樣有份演出的陳偉霆，力撐女友阿Sa。