LuLu寸樂仔好戲
三級女星王璐瑤（LuLu）自爆出與余文樂的情慾短訊後，人氣急升！前晚她在街頭拍攝處女寫真集，其中一套Tube Dress甚為性感，現場還有一輛價值逾300萬元的林寶堅尼作道具。LuLu表示名車是由朋友借出，而她從小覺得做車手很有型，碰巧余文樂的新片叫《車手》，她自言太忙，未有時間欣賞該片。問到樂仔演技如何？她句句有骨地說：「佢演技梗係好好啦！好到咁，可以應用喺生活上。（佢扮唔識你？）唔只囉！（扮懵？）唔想再提呢個人。（以後帶眼識人？）會小心，我好驚，男仔成日都講性。」她坦言現時有追求者，但仍處於觀察期：「因為有陰影，唔會再搵圈中人拍拖，見過鬼都怕黑！」
