羅力威打War Game搵人隻揪
歌手羅力威昨日出席青少年活動，問到有否約朋友一起打War Game，已有十次實戰經驗的他笑說：「一年前開始玩，本身好鍾意玩槍Game。屋企都有幾支私伙手槍，好勁o架！（要拎槍牌？）咁又唔使，喺玩具舖買嘅BB彈槍，好安全，射到都唔痛。我唔會着避彈衣，鍾意着Mark哥大褸嚟擋子彈。（唔方便？）唔會，覺得自己動作好敏捷！通常啲人打到會覺得痛，但我唔會，男人大丈夫！（贏定輸多？）都會輸嘅，但我輸都唔會認。（諗過當差？）冇喎，可能因為身形唔啱！」他表示入行後較少時間玩樂，盼於公司找到志同道合的戰友挑機隻揪。
