湯盈盈齋露指呻「冇胸谷」
藝人湯盈盈、楊秀惠及陳庭欣等前晚齊以密實古裝上陣，錄影《五覺大戰》特別版的翻生版遊戲節目《玩轉三周1/2》。湯盈盈對衣着太過密實略有微言：「以為今日啲衫會好似《耀舞長安》嗰啲咁性感，都帶定啲Bra嚟諗住谷胸上陣，點知咁密實，冇嘢露，淨係可以露手指尾。」而她身為此節目主持，問到是否頂替男友錢嘉樂在《五覺大戰》的主持地位時，她即大讚男友：「唔係，邊頂得到佢個位，我都好緊張，要不停背稿！（問男友秘訣？）佢都有幫我睇稿，睇吓啲遊戲點玩法！」
而楊秀惠的古裝因類似肚兜，故較為性感，問到會否怕走光，她說：「我唔擔心，反而擔心一陣玩遊戲嗰陣不停咁轉會暈低，我呢排都瘦咗好多，食極都唔肥又唔舒服，之前去醫院檢查，醫生話可能係壓力大，唔夠休息，所以個心有啲問題，遲啲會再入院檢查吓！」
冇得性感的湯盈盈雖然失望，但談到男友錢嘉樂卻一臉甜蜜！
楊秀惠（右）及陳庭欣的古裝打扮別具美感！