舒淇昨日出席慈善活動，提到緋聞男友王力宏九月在紅館開演唱會，她說：「有時間實睇，佢好有才華！（唔驚會勁傳緋聞？）緋聞係炒作，冇乜好擔心。（上埋台做嘉賓？）唔啦！好多人搵過我都推咗，又唔識唱歌。（你拍戲唱歌好叻？）就好似3D特技，用電腦慢慢執到靚啫！」
有傳她將簽華誼兄弟，舒淇重申：「同舊公司未滿約，但唔理同邊間公司合作，都會建立好好嘅團隊關係，總之我呢排生活得好開心！」她指入行第一日已經想做善事，經理人及助手等亦受感染。
為善最樂的舒淇身體力行，鼓勵身邊人捐錢。
