伍允龍讚嘉欣110分 吳彥祖搵秘方「催生」
影星吳彥祖與太太Lisa S前晚出席Alive五周年派對，藝人伍允龍、安志杰、黃榕及吳雨霏均有撐場。提到好友楊千嬅的囝囝滿月，吳彥祖說：「未送嘢畀千嬅，但佢送咗薑醋嚟，好難諗到送咩，可能送BB衫。」問到何時輪到他，他直認恨做爸爸：「我都想快啲！男人要有個完整嘅家庭。（搵秘方睇中醫？）有，不嬲有調理身子。」對於其網站打入內地，問到可會擔心當中藝人的網誌被「河蟹」？他說：「藝人要對自己嘅言論負責，Edit咗先出街。」
另外，伍允龍被問緋聞女友鍾嘉欣是否會嗲他，他尷尬地說：「冇咁嘅事！（佢靚女？）相信佢係個好女友，110分！」而與謝婷婷拍拖的安志杰，指四哥及拉姑未有催婚。
吳彥祖與Lisa齊齊切餅賀網站周年紀念。
安志杰（左）與伍允龍各有好女友。
裸攝拍寫真的黃榕不屑許穎的寫真，並說：「冇佢咁意淫！」
吳雨霏每次露面，變化萬千，愈睇愈靚。