祖兒嘲Eason八卦

自公開「龍兒戀」後，容祖兒（Joey）與老友陳奕迅（Eason）昨日首度同台，祖兒踢爆Eason經常「呃水吹」，借故來電八卦戀情，並力撐與何韻詩友情不變！

容祖兒昨日與Eason、謝安琪及林峯等出席音樂騷，Eason對剛公開戀情的好友祖兒及劉浩龍百般維護，並力撐劉浩龍並非「抽水」博上位：「我哋成班人玩咗十幾年，要抽水都唔會依家先抽啦！」

祖兒卻唔畀面踢爆Eason「呃水吹」，實質八卦，她笑說：「佢成日都話想傾偈，打電話畀我，特別係呢段時間！知佢係純八卦，所以唔理佢！」她還踢爆Eason最愛用「你首新歌幾好聽」作開場白，然後開始八卦！對於Eason表示若祖兒有心事可隨時找他，祖兒突然眼紅紅說：「唔問佢意見啦！自己嘅事自己搞掂！」

與阿詩感情不變

談及何韻詩呻「孤獨終老」，祖兒笑說：「佢講你又信？佢好鬼馬o架！總之我哋友情永遠！」並揚言阿詩一直是她的傾訴對象。此外，對於校長譚詠麟打趣指劉浩龍是「劉醫生」，祖兒激動地說：「嘩！有冇搞錯！我係咩校長點會知？我好尊敬校長，希望佢都錫番我！」