莫文蔚（Karen）日前在銅鑼灣被的士撞到撻落地，休息兩日後，昨日復工拍攝《太極俠》，並在微博上載新相報平安，她接受電話訪問時說：「Pat Pat到大髀都瘀咗，成個湯碗咁大。」因老公身在英國，她要勞煩爸爸捽藥酒：「老公喺英國，佢知我撞車驚到面青，當時自己都覺得好恐怖，不停祈禱，好在冇乜事，真係好感恩！（傷勢影響拍戲？）冇，個樣依然咁靚，好在我扮警察唔使着比堅尼，否則大家會見到我個瘀屁股。」而奇洛李維斯昨午到荃灣拍攝時，被問到知否Karen發生車禍？他說：「她沒事。」
奇洛指Karen的傷勢沒有大礙。
