蒙嘉慧怨伊健冇乜驚喜
蒙嘉慧（YoYo）昨日出席婚紗活動，提到下月3日是其好日子，問到是否好事近？她解釋當日是其生日：「我唔會揀生日結婚，平時連慶祝都唔會，點會結婚？」對於男友鄭伊健指會於末日前結婚，YoYo不相信有末日，並強調今年一定不會結婚：「我大把地方未去玩，就算末日都會搵朋友一齊歎平時唔捨得開嘅酒。」並稱男友不會計劃工作以外的事，問到伊健會否給她驚喜？她即大呻：「唔覺，咁多年都係畀過一次驚喜我。」
此外，伊健昨日出席林穎嫺育兒新書發布會，被追問是否想生B？他說：「講過啦，唔會！」他認為現今父母太依賴家傭，家長放假應多陪子女。曾任兒童節目主持的他，笑言現在也有兩、三歲的歌迷。問到會否帶女友見穎嫺？他說：「YoYo好忙，好難約，但佢哋中學係師姐妹。」
行婚紗騷的YoYo，強調今年一定不會嫁人。
林穎嫺帶同女兒舉行發布會，好友伊健到場支持。