陳煒瞞老公晒水着
陳煒昨日身穿私伙泳衣與郭政鴻為新劇《法網狙擊》拍落水戲，已有5年沒有在劇集穿泳衣的煒哥自嘲年紀大：「38歲仲要着泳衣色誘人，幾大壓力，所以特登Keep Fit，依家110磅。」她自爆上圍亦縮水：「跌晒啦！（墊Pad？）件泳衣本身有Pad，盡人事啦！」問到拍大膽戲前有否向老公備案，她說：「老公有問拍咩，但我唔敢講有泳衣或床上戲，但佢八卦，會自己睇！」談及應屆候選港姐，她認為湯洛雯最靚：「其他嗰啲霎吓眼就唔記得。」至於曾與羅慧娟合作的郭政鴻則大讚娟妹開朗，並已傳短訊問候對方的哥哥。
