阿倫踢爆阿叻向王晶道歉
陳百祥（阿叻）與譚詠麟（阿倫）前晚到無綫主持歐國盃決賽直播，猜中勝方西班牙的阿叻於現場與在now台講波的李克勤進行現場連線，當阿叻問他心目中賽果時，克勤笑說：「我估好似你同王晶咁『和』氣生財！」阿叻其後更拿亞視王征來開玩笑。
記者昨日致電身在台灣踢波的阿叻，他說：「我嫌克勤踩得唔夠盡添！（拎王征事件玩？）佢請過我飲酒o架！（依家同王晶點？）一向都係世仇，不過既然係咁，我鄭重向兩人道歉！」同時他又笑言估中了4：0的賽果。
另外，阿叻前晚接受訪問時亦笑言與王晶的罵戰好像波一樣已「圓」（指完）結，而同場的阿倫亦力撐二人已沒事，更在阿叻背後笑說：「我睇住阿叻打畀王晶講咗幾聲Sorry o架！」
阿倫（右）爆阿叻與王晶已和好。